- मंगलबार, ११ वैशाख, २०८१
ललितपु, ३ चैत – ऊर्जामन्त्री राधा ज्ञवालीले लोडसेडिङ कम गर्दै उज्यालो नेपाल बनाउन सरकार लागिपरेको बताएकी छिन् ।
नेपाल राष्ट्रिय जल सप्ताह २०१४ को अवसरमा ललितपुरमा आयोजित कार्यक्रममा मन्त्री ज्ञावालीले जलस्रोतमा नेपाल धनी रहेपनि सही व्यवस्थापनको कमीले पछि परेको धारणा राखिन् ।
जलस्रोतसम्बन्धी विभिन्न नीति तथा योजनाको कार्यान्वयन फितलो भएकाले नै लोडसेडिङ व्यहोर्नु परेको उनको भनाइ छ ।
कार्यक्रममा पूर्वसचिव सूर्यनाथ उपाध्यायले विद्युत उत्पादनको लागि लाइसेन्स लिएकाहरुले त्यसको सही सदुपयोग गर्न नसकेकाले लोडसेडिङ कमी नआएको धारणा राखे ।
जल तथा ऊर्जा आयोगका सचिव कृष्णचन्द्र पौडेलले विद्युत भार कटौतीमा कमी ल्याउन हाललाई बैकल्पिक उपायका लागि सोलारको प्रयोग गर्दै जानुपर्ने विचार राखे ।
