- शुक्रबार, ७ चैत, २०८१
काठमाण्डु, ३० फागुन – सुन्दरीजलस्थित मेलम्ची खानेपानी आयोजनाको सुरुङभित्र अड्किएका ईखबहादुर बुढासहित पाँचजना कामदारलाई प्रहरीले सकुशल उद्धार गरेको छ ।
उक्त सुरुङमा गएराति विद्युत सर्ट हुँदा त्यहाँ काम गर्ने मजदुर अड्किएका थिए । सो को जानकारी पाएपछि महानगरीय प्रहरी वृत्त बौद्धबाट खटिएको टोलीले ०३:४० बजे उनीहरूलाई उद्धार गरेको हो । छ सदस्यीय उक्त टोलीले सबैलाई सकुशल उद्धार गरेको जनाइएको छ ।
यसैबीच सादा पोशाकमा खटिएको प्रहरी टोलीले पर्साको निचुता–७ का लालबहादुर महतो र तेलगाह–३ का रामचन्द्र शाहलाई २५ ग्राम ब्राउनसुगरसहित चावहिलबाट पक्राउ गरेको छ ।
त्यस्तै कैलालीको जुगेडा गाविस निवासी किरण थापासहित तीनजना रेडपाण्डाको छाला बिक्री गर्न हिँडेको अवस्थामा त्रिदेवीमार्गस्थित कर्मचारी सञ्चय कोष भवन अगाडिबाट पक्राउ परेका छन् ।
अभियुक्त सबैलाई हिरासतमा राखेर आवश्यक कारबाही थालिएको केन्द्रीय प्रहरी समाचार कक्षले जनाएको छ ।
