काठमाण्डु, २९ फागुन –संबिधानसभा नियमावली मस्यौदा समितीले तयार पारेको निवयमावली मस्यौदा संविधानसभामा पेश भएको छ ।
संविधान सभाको विहीबारको बैठकमा मस्यौदा समितिले तयार गरेको नियमावली मस्यौदा पेश गरिएको हो ।
मस्यौदा समितिमा लामो समयपछि संविधानको प्रमाणिकरण, संविधानसभामा ककसको व्यवस्था तथा ह्विप लगाउने विषयमा सहमति भएपछि संविधानसभामा मस्यौदा पेश भएको हो ।
मस्यौदा पेश भएपछि संविधानसभालाई नयाँ निवयमावली बनाउन बाटो खुलेको छ ।
संविधानसभाको माघ २९ गते बसेको बैठकले लक्ष्मणलाल कर्णको संयोजकत्वमा मस्यौदा समिति गठन गरेको थियो ।
संविधानसभा नियमावली मस्यौदा यसअघि बुधबार समितिका संयोजक लक्ष्मणलाल कर्णले संविधानसभाका अध्यक्ष सुवास नेम्वाङलाई बुझाएका थिए ।