काठमाण्डु, २७ फागुन –बामदेव उपप्रधान तथा गृहमन्त्री बामदेव गौतमले मुलुकको सुरक्षा व्यवस्था चुस्त बनाउन प्रहरी महानिरीक्षकसहित पाँचै विकास क्षेत्रका प्रहरी प्रमुखहरुलाई निर्देशन दिएका छन् ।
गृहमन्त्री गौतमले आज प्रहरी प्रधान कार्यालय नक्साल पुगी प्रहरी महानिरीक्षक उपेन्द्रकान्त अर्यालसहित सबै उच्च प्रहरी अधिकृतहरुलाई निर्देशन दिएका हुन् ।
गृहमन्त्री गौतमले मुलुकको शान्ति सुरक्षा तथा प्रहरी संगठनभित्रको समस्याहरुबारे जानकारीसमेत लिएका थिए ।
त्यसक्रममा गृहमन्त्री गौतमले कसैको दबाबमा नपरी निष्पक्ष भएर जिम्मेवारी पूरा गर्न निर्देशन दिएका छन् ।