काठमाण्डु, २४ फागुन – लोक गायक राजु ढकालको दोहोरी साँझमा बिहान आगलागी भएको छ ।
सुन्धारामा रहेको कुसुमे रुमाल दोहोरी साँझमा बिहान भएको आगलागीबाट लाखौंको क्षति भएको छ । गएरातिबाट लागेको आगो बिहान ५ वटा दमकलको सहायताले निभाईएको हो ।
आगलागीबाट करिव ५० लाख बराबरको क्षति भएको गायक ढकालले जानकारी दिए । आगो लागेको बिहान साढे ६ बजेमात्र थाहा भएको थियो ।
विद्युत सर्ट भएर आगो लागेको हुनसक्ने आशंका गरिएको छ । गएराति १२ बजेमात्र सो दोहोरी साँझ बन्द भएको थियो ।