- बिहीबार, १३ वैशाख, २०८१
ललितपुर, २३ फागुन – नेपाली काँग्रेसका उपसभापति रामचन्द्र पौडेलले लोकतन्त्रको जगमा मात्रै मुलुकको आर्थिक–सामाजिक विकास सम्भव हुने बताएका छन् ।
नेपाल दलित संघद्वारा ललितपुरमा आयोजित प्रथम राष्ट्रिय दलित सदनको प्रथम बैठकको उद्घाटन गर्दै उपसभापति पौडेलले मुलुकमा विद्यमान दलितप्रतिको परम्परागत विभेद तथा वर्गवादी विसङ्गतिलाई हटाउन सबै लाग्नुपर्ने धारणा व्यक्त व्यक्त गरे ।
सो अवसरमा उपसभापति पौडेलले दलित सङ्घद्वारा प्रकाशित ‘रुपान्तर’ नामक किताबको विमोचन समेत गरेका थिए ।
कार्यक्रममा काँग्रेसका केन्द्रीय सदस्य तथा सभासद् मानबहादुर विश्वकर्माले संगठित आवाजबाट मात्रै आफ्नो हकअधिकार पाउन सकिने स्मरण गराउँदै त्यसैका लागि दलित सदन संस्थाको स्थापना भएको बताए ।
काँग्रेसका दलित विभाग प्रमुख जीवन परियारले आफ्नो समुदायलाई मजबुत बनाउँदै दलितका हकअधिकार स्थापित गर्न दलित सदनले सक्रिय भूमिका खेल्नुपर्नेमा जोड दिए ।
