काठमाण्डु, २१ माघ – नेकपा एमालेको संसदीय दलको नेतामा केपी शर्मा ओली विजयी भएका छन् । संसदीय दलको नेता लागि मंगलबार भएको निर्वाचनमा ओलीले ९८ र खनालले ७५ मत पाए ।
सिंहदरबारमा रहेको संसदीय दलको कार्यालयमा मतदान भएको थियो ।
चुनावमा एमालेका १ सय ७३ जना सभासदले मतदान गरेका छन् ।
खनाललाई वरिष्ठ नेता माधव नेपाल र ओलीलाई उपाध्यक्ष वामदेव गौतमको समर्थन थियो । एमालेको इतिहासमा पहिलो पटक पार्टी प्रमुख भन्दा फरक व्यक्ति संसदीय दलको नेता भएका छन् ।
ओली संविधानसभा चुनावमा झापा क्षेत्र नं ७ बाट निर्वाचित भएका थिए ।