- शुक्रबार, १४ वैशाख, २०८१
काठमाण्डु, २५ पुस–अमेरिकी अदालतले भारतीय उपवाणिज्य दूत देवयानी खोबरागडेको मुद्दाको सुनुवाई पर सार्न गरिएको अनुरोध अस्वीकार गरेको छ ।
प्रारम्भिक सुनवाईको लागि ३० दिनसम्मको समयसीमा बढाउन देवयानीले गरेको आग्रह अमेरिकाको एक संघीय न्यायाधीशले अस्वीकार गरेका हुन् । न्यूयोर्कको दक्षिणी जिल्ला अदालतका न्यायाधीश सारा नेटबर्नले सुनुवाई पछि सारेर उनलाई राहत दिन नसकिने बताएका हुन् ।
अदालतको यो फैसलापछि अब यही जनवरी १३ तारिकमा उनीविरुद्धको मुद्दाको सुनुवाई शुरु हुनेछ ।
देवयानीलाई भिसामा गलत विवरण लेखाएको आरोप लागेको छ । यही आरोपमा न्यूयोर्क प्रहरीले देवयानीलाई १२ डिसेम्बर सन् २०१३ मा पक्राउ गरको थियो । उनी हाल तारेखमा रिहा भएकी छन् ।
देवयानीले आफूलाई हिरासतभित्र निर्बस्त्र पारिएको र अपराधीहरुसँगै राखिएको आरोप लगाउदै आएकी छन् । यही विषयले भारत र अमेरिकाबीचको सम्वन्ध चिसिएको छ ।
