- शुक्रबार, १४ वैशाख, २०८१
काठमाण्डु, ११ पुस – २५ वर्षपछि नेपाल वायु सेवा निगमले काठमाण्डु–ताप्लेजुङ सिधा हवाई उडान सुरु गरेको छ ।
पर्यटन व्यवसायी तथा स्थानीयको अनुरोधमा निगमले सिधा हवाई सेवा सुरु गरेको हो ।
बिहीबार पहिलो दिन काठमाडौंबाट ९ र ताप्लेजुङबाट १७ जना यात्रुलाई गन्तव्यमा पुर्याइएको बताइएको छ । पहिलो दिन स्थानीयले चालकलाई फूलमाला र खादा लगाइदिएर स्वागत गरेका थिए ।
काठमाण्डु–ताप्लेजुङ उडानमा ६ हजार २ सय भाडा निर्धारण गरिएको छ । अब प्रत्येक बिहीबार काठमाण्डु–ताप्लेजुङ सिधा उडान हुने निगमले जनाएको छ ।
