- शुक्रबार, ७ वैशाख, २०८१
सिरिया-सिरियास्थित दमिश्कको उपनगरीय क्षेत्र मोदामियामा नाकाबन्दीका कारण फसेका हजारौं सिरियाली जनताले अन्ततः त्यहाँबाट निस्कने अनुमति पाएका छन् । बीबीसीका अनुसार मानिसहरुले त्यस क्षेत्र छोडिरहेका छन् । उनीहरु मार्च महिनादेखि त्यहाँ अलपत्र थिएँ ।
मोदामियामा अत्यावश्यक सामाग्री आपूर्ती निकै कम भइरहको थियो, जसका कारण त्यहाँ रहेका सिरियाली जनताले भोकसँग बच्नका लागि अपिल गरेका थिए । सरकारी सेनाको नाकाबन्दीका कारण सो क्षेत्रबाट निस्कन जनतालाई मुस्किल परेको थियो ।
इस्लामविरुद्ध कुकुर–बिरालो खान बाध्य
यसअघि सिरियाली सेनाले दमिश्कमा मोदिमिया जस्तो विद्रोहीहरुद्वारा कब्जा गरिएको क्षेत्रको ‘कि आत्मसमर्पण गर्नुपर्छ कि भोकै मर्नुपर्छ’ भनेको थियो । सरकारी सेनाले दमिश्कमा पर्ने कम्तिमा तीन उपजगरीय क्षेत्रम यारमोक, उत्तरी घौटा, मोदामियामा केही महिनादेखि नाकाबन्दी गरेका थिए ।
ती महिनाहरुमा बाच्नका लागि मुस्लिम धर्मगुरुहरुले कुकुर, बिरालोका मासु खान अनुमति दिएको थिए । इस्लाम धर्ममा यी जनावरहरुको मासु खान अनुमति छैन ।
घाँस खान बाध्य
मोदामियामा स्थिति बिग्रने आशंकामा केही महिना अघिदेखि संयुक्त राष्ट्र संघले मदतका अपिल गरिरहेको थियो । मोदामिया छाडेने क्रममा एक महिलाले भनिन्, ‘हामीले पछिल्लो नौ महिना रोटीका एक टुक्रा पनि देख्न पाएनौं, हामी घाँस र पात खाइरहेका थियौं ।’
मानिसहरुलाई त्यहाँबाट निकाल्ने जिम्मेवारी पाएका सामाजिक ममला मन्त्री किंडा अल शमामतले हतियारधारी विद्रोहीहरुको मोदामियामा घुसपैठ भउको आरोप लगाएका छन् । उनले उनीहरुलाई चरमपन्थीको संज्ञा समेत दिएका छन् ।
तर, विद्रोहीहरुले सो उपनगरमा पाइला नराखेको दावी गर्दै सरकारले त्यहाँका मानिसलाई आत्मसमर्पण गर्न बाध्य पारिरहेको आरोप लगाएका थिए ।
पोलियोका खतरा
विश्व स्वास्थ्य संगठनले सिरियामा पोलियो लागेका १० मानिसको पुष्टि गरेको छ । अन्य १२ को परीक्षण भइरहको जनाइएको छ । १४ वर्षपछि यहाँ पहिलोपटक पोलियो देखिएको हो ।
२०११ मा सिरियामा गृहयुद्ध सुरु हुनुअघि बच्चाहरुलाई पोलियोको भयाक्सिन दिएको थियो । तर, अहिले ५ लाख बच्चाहरु भ्याक्सिनबाट वञ्चित भइसकेको बताइएको छ ।
