- बुधबार, १७ असार, २०८३
कञ्चनपुर, २४ कात्तिक– चाँदनी गाविस–२ मा रहेको जमुना प्राथमिक विद्यालयले सशस्त्र प्रहरीलाई भवन बनाउन जग्गा उपलब्ध गराएको छ ।
विद्यालय व्यवस्थापन समितिले सर्वपक्षीय सहमति गरी सशस्त्र प्रहरी सीमा सुरक्षा बललाई जग्गा प्रदान गरेको हो ।
सशस्त्र द्वन्द्वकाल सकिएपछि २०६४ देखि सशस्त्र प्रहरी बल कृषि उपशाखा केन्द्र दोधाराको भवन बस्दै आएको छ ।
विद्यालयका प्रधानाध्यापक नैनसिंह भण्डारीले सबैको सहमतिमा जग्गा दिने निर्णय गरिएको बताउनुभयो ।
सशस्त्र सीमा सुरक्षा बलका इन्चार्ज प्रहरी निरीक्षक लक्ष्मण थापाले भवन बनाउन नसक्दा अप्ठयारोमा रात दिन बिताएर सीमा सुरक्षा गर्नु परेको बताए ।
विद्यालयसाग रहेको सात बिगाहा चार कट्ठा दुई धुर जग्गामध्ये एक बिगाहा जग्गा विद्यालयले सशस्त्र प्रहरीलाई दिएको हो । रासस
