- शुक्रबार, ६ असार, २०८२
काठमाण्डू, ५ असार– माधव नेपाल नेतृत्वको एकीकृत समाजवादीका उपमहासचि एवं सांसद सांसद मेटमणि चौधरी विरुद्ध बैङ्किङ कसुरमा जाहेरी परेको छ ।
दाङ क्षेत्र नम्बर १ बाट निर्वाचित सांसद चौधरीविरुद्ध चेक अनादरमा जाहेरी परेको जिल्ला प्रहरी कार्यालय दाङले जानकारी दिएको छ । हुलाक मार्फतबाट सांसद चौधरीविरुद्ध चेक अनादरमा जाहेरी आएको जिल्ला प्रहरी कार्यालय दाङका एसपी अर्जुन तिमिल्सिनाले जानकारी दिएका छन ।
उनले भने, ‘हुलाकबाट जाहेरी आएको हो तर त्यो भेरिफाई गर्न बाँकी छ, सांसद चौधरीविरुद्ध ५ करोड ४० लाखको चेक अनादरको जाहेरी परेको हो ।’
उनी प्रतिनिधिसभा निर्वाचन, २०७९ मा दाङ १ बाट प्रतिनिधिसभामा निर्वाचित भएका थिए । प्रहरीले कहाँबाट कसले उजुरी हालेको भन्ने विस्तृत विवरण खुलाएको छैन ।
