- शुक्रबार, ६ असार, २०८२
काठमाण्डू, ५ असार– आज (बिहिबार) बसेको प्रतिनिधि सभाको बैठकमा प्रतिपक्षी दलहरु राष्ट्रिय स्वतन्त्र पार्टी (रास्वपा)ले प्रतिनिधि सभाको आजको बैठकमा वेल घेराउ गरेको छ भने राष्ट्रिय प्रजातन्त्र पार्टी (राप्रपा)ले बैठकनै बहिस्कार गरेको छ ।
रास्वपाले आफूहरुले उठाएका माग सरकारले नसुनेको भन्दै रास्वपाले संसद वैठकमा विरोध जारी राखेको हो । तर संसद बैठक भने जारी छ । सभामुख देवराज घिमिरेले संसद बैठक सुरु भएको जानकारी गराएलगत्तै रास्वपा र राप्रपाका सांसदहरु उठेर विरोध गरेका थिए ।
त्यसपछि सभामुख घिमिरेले रास्वपाका सांसद हरि ढकाललाई बोल्ने समय दिए । उनले सरकारले भुइँमान्छेका आवाज नसुनेको भन्दै विरोध जनाए ।
संसदमा आफूहरुको आन्दोलन जारी रहेको बताएपछि रास्वपा सांसदहरु उठेर वेल अगाडि पुगेका छन् । राप्रपाले भने आजको बैठक बहिस्कार गरेको छ । सभामुख घिमिरेले आज शून्य समय हटाइएको जानकारी दिएका छन् ।
