- शुक्रबार, २७ असार, २०८२
काठमाण्डू, ८ चैत– परराष्ट्रमन्त्री आरजु देउवा राणाले भारतीय पक्षले नेपालमा लोकतान्त्रिक प्रणाली नै चाहेको बताएकी छन । आज (शुक्रबार) भारतीय भ्रमण सकेर स्वदेश फर्किएकी परराष्ट्रमन्त्री राणाले त्रिभुवन अन्तर्राष्ट्रिय विमानस्थलमा सञ्चारकर्मीसँग कुरा गर्दै यस्तो बताएकी हुन । परराष्ट्रयमन्त्री राणाले भारतीय पक्ष अहिलेको व्यवस्थाविरुद्ध नरहेको आफूले पाएको पनि बताएकी छन ।
उनले भनिन्, ‘भारतीय पक्षसँग राजनीतिक विषयमा धेरै कुराकानी नभए पनि उहाँहरूले नेपालमा लोकतान्त्रिक प्रणाली नै चाहेको मैले पाएँ’, नेपालमा राजावादीहरूको चलखेल बढिरहेको प्रसङ्गमा भनिन, ‘अहिलेको सरकारसँग भारतीय पक्ष जोडिरहनुभएको छ ।
सरकार नै परिवर्तन गर्ने, व्यवस्था न परिवर्तन गर्ने खालको आशय उहाँहरूमा मैले देखिनँ ।’उनले आफ्नो भारत भ्रमणका क्रममा भारतीय प्रधानमन्त्री नरेन्द्र मोदीसँग भेटवार्ता र कुराकानी नभएको र त्यसको पहल पनि नगरेको बताएकी छन ।
