- शनिबार, २ साउन, २०८३
झापा, १४ कात्तिक– श्रीमती हत्या गरेर भागेका एक पुरुष तीन वर्षपछि पक्राउ परेका छन् ।
पक्राउ पर्नेमा झापाको मेचीनगर नगरपालिका–११ ३८ वर्षीय गजेन्द्र वान्तवा राई छन् ।
झापा प्रहरी प्रमुख एसपी मिलन केसीले रेड कर्नर नोटिस जारी गरी
राईलाई कतारमा पक्राउ गरेर मंगलबार नेपाल ल्याइएको बताए । राई २०७८ मंसिर ३ मा श्रीमती शर्मिला तामाङको हत्या गरी फरार भएका थिए ।
इलाका प्रहरी कार्यालय धुलाबारीले कर्तव्य ज्यानसम्बन्धी मुद्दाका अभियुक्त राईमाथि अनुसन्धान गरिरहेको केसीले बताए ।
