- शुक्रबार, ८ साउन, २०८३
काठमाण्डु, २८ भदौ– बागलुङमा शुक्रबार बिहान दुर्घटनामा परेको सरकारी जिप रुकुमपूर्वको पुथाउत्तरगंगा गाउँपालिकाको भएको खुलेको छ ।
रा१झ २०० नम्बरको जिप गलकोट नगरपालिका–२ भुङखानीमा बिहान करिब पौने ९ बजेतिर सडकबाट ३ सय सय मिटर तल खसेर दुर्घटना भएको थियो ।
दुर्घटनामा दुई महिला र एक पुरुषको मृत्यु भएको छ ।
जिपमा जनप्रतिनिधि र कर्मचारी सवार रहेको जानकारी आएको बागलुङ प्रहरीका निरीक्षक प्रताप पौडेलले जानकारी दिए ।
बागलुङका प्रमुख जिल्ला अधिकारी नेत्रप्रसाद सुवेदीले पनि उक्त गाडी रुकुम पूर्वको पुथाउत्तरगंगा गाउँपालिकाकोको भएको पुष्टि गरे ।
शव भिरको खोंचमा अड्किएका कारण निकाल्न समस्या भइरहेको उनले बताए । मृतकहरु कसैको पनि सनाखत हुन सकेको छैन ।
दुर्घटनास्थलमा उद्धारका लागि प्रहरी, सशस्त्र प्रहरी र नेपाली सेना खटाइएको छ ।
घाइते एक पुरुषको उद्धार गरी उपचारका लागि धौलागिरी अस्पताल पठाइएको छ ।
