- शुक्रबार, ८ साउन, २०८३
बागलुङ, २८ भदौ– बागलुङको गलकोटमा सरकारी गाडी दुर्घटना हुँदा तीन जनाको मृत्यु भएको छ ।
मध्यपहाडी लोकमार्ग अन्तर्गत गलकोट नगरपालिका–२ भुङखानीमा रा१झ २०० नम्बरको पिकअप भ्यान शुक्रबार बिहान करिब ९ बजेतिर दुर्घटना भएको प्रहरीले जनाएको छ ।
गाडी सडकबाट करिब ३ सय मिटर तल खसेको छ । मृत्यु हुनेमा दुई महिला र एक पुरुष रहेको बागलुङ प्रहरी प्रमुख एसपी ऋषिराम कँडेलले बताए ।
उनका अनुसार शव भिरमा अड्किएको अवस्थामा छ । धेरै अप्ठेरो ठाउँमा अड्किएका कारण शव निकाल्न कठिन भएको छ ।
दुर्घटनास्थलमा भेटिएका एक घाइतेको अवस्था गम्भीर छ । घाइतेलाई उद्धार गरी उपचारका लागि धवलागिरि अस्पताल लगिएको कँडेलले जानकारी दिए ।
