- शुक्रबार, ८ साउन, २०८३
धनगढी, २८ भदौ–निरन्तरको वर्षातका कारण पहिरो खस्दा पश्चिम तराईका जिल्लासँग सदूरपश्चिमका पहाडी जिल्ला जोड्ने भीमदत्त राजमार्ग तथा डडेल्धुरा र डोटी जोड्ने केआईसिंह राजमार्ग अवरुद्ध भएका छन् ।
डडेल्धुराका विभिन्न राजमार्ग तथा ग्रामीण सडकसमेत पहिरोले अवरुद्ध भएका छन् । साहु खर्कमा पहिरो खस्दा भीमदत्त राजमार्ग र गन्यापधुरामा पहिरो खस्दा केआइसिंह राजमार्ग पूर्ण रूपमा अवरुद्ध भएको प्रहरीले जनाएको छ ।
यस्तै पहिरोले डोटीको आलिताल गाउँपालिका सुनखोलामा पहिरो खस्दा बुडरबाट जोगबुढा जाने सडक पहिरोले पूर्ण अवरुद्ध छ ।
प्रहरीले शुक्रबार एक सूचना जारी गर्दै वर्षा र पहिरो खस्ने क्रम नरोकिएकाले सुरक्षित रूपमा यात्रा गर्न सर्वसाधारणलाई आग्रह गरेको छ ।
