- शुक्रबार, ६ असार, २०८२
मवानपुर, ५ असार– मकवानपुरमा देवरले भाउजू नाता पर्नेको हत्या गरेका छन् ।
थाहा नगरपालिका–१ कुन्छालका ३५ वर्षीय विमलमान गोपालीले भाउजु नाताकी ५० वर्षीया तुलमाया गोपालीको बिहीबार विभत्स हत्या गरेका हुन् ।
मकवानपुर प्रहरीका एसपी विश्वराज खड्काका अनुसार विमलले तुलमायामाथि खुकुरी प्रहार गर्दा घटनास्थलमै ज्यान गएको हो । तुलमायाको टाउको र घाँटीमा खुकुरी प्रहार भएको प्रहरीको भनाइ छ ।
घटनापछि विमल फरार विमललाई प्रहरीले थाहा नगरपालिका–३ थानाबजारबाट हत्यामा प्रयोग भएको खुकुरीसहित नियन्त्रणमा लिएको छ ।
प्रहरीले उनलाई हिरासतमा राखेर घटनाबारे थप अनुसन्धान अघि बढाएको छ ।
