- मंगलबार, ३ असार, २०८२
तनहुँ, २ असार– गत शनिबारदेखि बेपत्ता एक पुरूषको सोमबार शव फेला परेको छ ।
तनहुँको बन्दीपुर गाउँपालिका–३ का ५६ वर्षीय मंगले नेपालीको शेराटारस्थित खुदी खोलाको दहमा शव फेला परेको हो ।
मंगलेको शव खुदी खोलाबाट बनेको दहमा तैरिएको अवस्थामा फेला परेको जिल्ला प्रहरीका प्रहरी नायब उपरिक्षक अशोक थापाले जानकारी दिए ।
मृतकको शव परीक्षणपछि आफन्तको जिम्मा लगाइएको छ ।
शनिबारदेखि हराइरहेका मंगलेको खोजतलास भइरहेको थियो । दह छेउमा उनले प्रयोग गर्ने कपडा र चप्पल फेला परेको छ । घटनाबारे थप अनुसन्धान भइरहेको प्रहरीले जनाएको छ ।
