- मंगलबार, २० जेठ, २०८२
काठमाण्डू, १८ जेठ– आज (आइतबार) काठमाण्डूमा सार्वजनिक यातायात व्यवसायीहरुले विरोध प्रदर्शन गरेका छन् । गण्डकी प्रदेश सरकारले राइड सेयरिङ तथा सेल्फ ड्राइभ सञ्चालन तथा नियमन गर्ने नियमावली जारी गरेपछि देशव्यापी आन्दोलन घोषणा गरेका व्यवसायीहरुले आइतबार दिउँसो माइतीघर बानेश्वर सडकखण्डमा प्रदर्शन गरेका हुन् ।
दुई पांग्रे र चार पांग्रे निजी सवारी साधनलाई पनि सार्वजनिक यातायात सरह यात्रु ओसार्न दिँदा आफूहरुको लगानी संकटमा परेको भन्दै शुक्रबार गण्डकीमा सार्वजनिक यातायात ठप्प पारेका व्यवसायीहरुले आज काठमाण्डूमा विरोध प्रदर्शन गरेका हुन् ।
सडक ढाकेर गरिएको प्रदर्शनका कारण काठमाण्डू उपत्यकाको यातायात आवागमन प्रभावित भएको थियो ।
