- मंगलबार, २० जेठ, २०८२
काठमाण्डू, १८ जेठ– डोटीको केआईसिंह गाउँपालिका–५ केदार गाउँमा जिप दुर्घटना हुँदा एक जनाको मृत्यु भएको छ ।
मृत्यु हुनेमा बोगटान फुड्सिल गाउँपालिका–६ गगुडाका ४२ वर्षीय मीन बमको रहेको प्रहरीले जनाएको छ ।
दुर्घटनामा गम्भीर घाइते भएका उनलाई उपचारका लागि शैलेश्वरी अस्पताल दिपायल पुर्याइएकामा चिकित्सकले तत्काल मृत घोषणा गरेका थिए ।
दुर्घटनामा अरु आठ जना घाइते भएका हुन् ।
डोटी प्रहरीका सूचना अधिकारी दीपेन्द्रकुमार पालले बोगटान फुड्सिलको गगुडाबाट दिपायलतर्फ आउँदै गरेको सुपप्र–०१००१ज१४६४ नम्बरको जिप दुर्घटना भएको बताए । घाइते सबैको शैलेश्वरी अस्पतालमा उपचार भइरहेको छ ।
प्रहरीका अनुसार घाइतेमध्ये एकको अवस्था गम्भीर छ ।
