- सोमबार, १९ जेठ, २०८२
बैतडी, १७ जेठ– बैतडीमा शनिबार ट्रकको ठक्करबाट एक जनाको मृत्यु भएको छ ।
ट्रकको ठक्करबाट सुर्नया गाउँपालिका–५ विष्टपालीका ८१ वर्षीय महावीर विष्टको मृत्यु भएको जिल्ला प्रहरी कार्यालयका प्रवक्ता बलदेव बडूले बताए ।
धनगढीबाट विष्टपालीतर्फ आउँदै गरेको सुपप्र०१–००१ क १८१३ नम्बरको मिनी ट्रकले बाटोमा हिँडिरहेका विष्टलाई ठक्कर दिएको थियो ।
गम्भीर घाइते भएका उनको उपचारका लागि धनगढीतर्फ लैजाने क्रममा बाटैमा मृत्यु भएको हो । प्रहरीले ठक्कर दिने ट्रक र चालकलाई नियन्त्रणमा लिएको छ ।
त्यस्तै बैतडीमै शनिबार एक जनाको भीरबाट लडेर मृत्यु भएको छ।
दशरथचन्द नगरपालिका–६ टाककी ७० वर्षीया धनपती नाथको मृत्यु भएको प्रवक्ता बडूले जानकारी दिए ।
घर नजिकै जंगलमा घाँस काट्न गएकी नाथ लडेर गम्भीर घाइते भएकी थिइन् । उनको जिल्ला अस्पतालमा उपचारका क्रममा मृत्यु भएको हो ।
