- आइतबार, १८ जेठ, २०८२
काठमाण्डू, १६ जेठ– लामो समयको तिक्ततापूर्ण सम्बन्धपछि कांग्रेस नेता शेखर कोइराला र महामन्त्री गगन थापाबीच राजनीतिक संवाद भएको छ ।
कोइराला र थापाले संवादहीनता तेड्दै संवाथ थालेका हुन् ।
दुई नेताबीच शुक्रबार विशालनगरस्थित कोइरालाको सम्पर्क कार्यालयमा भेटवार्ता भएको थियो ।
एमाले अध्यक्ष केपी ओली गत वर्ष ३० असारमा प्रधानमन्त्रीमा नियुक्त भएपछि सोही घरमा भएको छलफलपछि उनीहरुबीच दूरी बढेको थियो ।
ओली सरकार बनेपछि थापा ओली र सभापति देउवाको विश्वासपात्र र सरकारका सहयोगीका रुपमा प्रस्तुत भए । उनी सरकार सञ्चानका लागि काँग्रेस–एमाले गठबन्धनद्वारा गठित संयन्त्रका महत्वपूर्ण सदस्य थिए ।
सरकारको प्रतिरक्षामा खरो उत्रिएका थापा कुलमान घिसिङलाई विद्युत प्राधिकरणको कार्यकारी निर्देशकबाट हटाउने र गुणाकर भट्टलाई नेपाल राष्ट्र बैंकको गभर्नर नियुक्त नगरेपछि थापा ओलीसँग रुष्ट छन् ।
उनले केही समयअघि बिचौलियाहरु प्रधानमन्त्रीको बेडरुमसम्म पुग्ने गरेको अभिव्यक्ति दिए । कोइराला भने धेरैअघि देखि नै सरकारको आलोचनामा उत्रिएका हुन् ।
दुई तिहाईको सरकारले जनभावनाअनुसार काम नगरेको र शुसासन कायम गर्न नसकेको भन्दै कोइरालाले कटाक्षा गरिरहेका छन् ।
यस्तोमा काँग्रेसका दुई प्रभावशाली नेताहरुबीचको भेटलाई अर्थपूर्ण रुपमा हेरिएको छ ।
