- आइतबार, १५ असार, २०८२
काठमाण्डू १५ जेठ– राष्ट्रि प्रजातन्त्र पार्टी (राप्रपाले) दुई सांसदलाई प्रतिनिधि सभाको बैठकमा पठाएर अन्य सांसदहरुलाई आन्दोलनमा सहभागी गराउने भएको छ । संघीय संसद्मा आज बजेट प्रस्तुत हुँदै छ ।
राप्रपाका अन्य सांसदहरू राजसंस्था पुनर्स्थापनाको मागसहित आज हुने सडक आन्दोलनमा सहभागी हुने भएका हुन् । प्रतिनिधिसभामा रहेका १४ सांसदमध्ये ध्रुवबहादुर प्रधान र रोशन कार्की मात्रै आजको संसद् बैठमा उपस्थित हुने राप्रपाका प्रचार विभाग प्रमुख तथा प्रवक्ता मोहन श्रेष्ठले जानकारी दिएका छन । उनले भने, ‘प्रतिनिधिसभामा हाम्रा १४ जना सांसद हुनुहुन्छ ।
उहाँहरूमध्ये ध्रुवबहादुर प्रधान र रोशन कार्मी मात्र आजको संघीय संसद्को संयुक्त बैठकमा उपस्थित हुनुहुनेछ, ‘अन्य सांसदहरू प्रदर्शनमा सहभागी हुनुहुनेछ ।’
राप्रपा, राप्रपा नेपालसहित विभिन्न राजावादी पार्टी र संघसंगठनले बिहीबार दिउँसो २ बजेपछि रत्नपार्कस्थित शान्तिबाटिकामा विरोध प्रदर्शन गर्दैछन् ।
पार्टी अध्यक्ष राजेन्द्र लिङ्देन र प्रमुख सचेतक ज्ञानेन्द्र शाहीले मैतिदेवीबाट सुरु हुने विरोध र्यालीको नेतृत्व गर्ने प्रवक्ता श्रेष्ठले जानकारी दिएका छन ।
