- सोमबार, ५ जेठ, २०८२
काठमाण्डू, १६ चैत– हिजो (शुक्रबार) काठमाण्डूको तीनकुने क्षेत्रमा राजावादी समुहको हिंस्रक प्रदर्शनपछि भागेका दुर्गा प्रसाईं इमाडोलस्थित विवादास्पद धर्मगुरु पुष्कर खतिवडाको घरमा केही समय बसेको खुलेको छ ।
खतिवडाले प्रहरीलाई प्रसाईं आफ्नो घरमा आएर स्याउ र केरा खाएर निस्किएको बयान दिएको प्रहरी उच्च स्रोतले जानकारी दिएको छ । खतिवडा आफैं प्रदर्शनमा भिडलाई उत्तेजित बनाउन संलग्न थिए र उनलाई शनिबार प्रहरीले पक्राउ गरेको छ ।
यसबीच, आन्दोलनका अन्य राजावादी नेताहरु पक्राउ परेका छन् भने दुर्गा प्रसाईंको खोजी जारी प्रहरी उच्च स्रोतले जानकारी दिएको छ । प्रहरीले उनलाई हत्या अभियोगमा समेत अनुसन्धान गर्ने तयारी गरिरहेको प्रहरी स्रोतले जानकारी दिएको छ ।
