- बुधबार, २४ असार, २०८३
काठमाण्डू, १५ चैत– काठमाण्डूको तिनकुने क्षेत्रमा जारी राजावादीहरूको प्रदर्शनमा सहभागीहरुले पृथ्वीनारायण शाहदेखि योगी नरहरिनाथसम्मको फोटो प्रदर्शन गरिएको छ । उनीहरूले पृथ्वीनारायण शाह, महेन्द्र, ज्ञानेन्द्र, योगी नरहरिनाथको तस्वीर बोकेका छन् ।
यसअघि फागुन २५ गते पोखराबाट काठमाण्डूमा आएका पूर्वराजा ज्ञानेन्द्र शाहलाई स्वागतमा उत्रिएका बेलामा राजावादीहरुले योगी आदित्यनाथको फोटो बोकेका थिए ।
तर त्यतिबेला सरकारले नै घुसपैठ गराएर राजावादीलाई बदनाम गराउन खोजेको आरोप लगाइएको थियो । उनीहरुले गणतन्त्र खारेज गरी राजसंस्था पुनर्स्थापनाको माग गर्दै काठमाण्डूको तीनकुनेमा सभा आयोजना गर्दै छन् ।
सभामा सहभागी हुन विभिन्न स्थानबाट र्याली सहित राजावादीहरु तीनकुने पुग्ने क्रम जारी छ ।
