- शनिबार, २ साउन, २०८३
काठमाण्डु, १४ कात्तिक– उपप्रधानमन्त्री एवं सहरी विकास मन्त्री प्रकाशमान सिंहले नेपाली समाजलाई फेक न्युजबाट बचाउनुपर्ने बताएका छन ।
आज बुधबार नेपाल टेलिभिजन कर्मचारी सङ्घको आयोजनामा दीपावली, नेपाल संवत् र छठको अवसरमा आयोजित शुभकामना आदान प्रदान कार्यक्रममा बोल्दै उनले फेक न्युजलाई रोक्न जिम्मेवार सञ्चारमाध्यमहरूले भूमिका खेल्नुपर्ने बताएका हुन ।
उपप्रधानमन्त्री सिंहले भने, ‘आफ्नो पेसाबाट तपाईंहरुले नेपालका समाजलाई फेक न्युजबाट होइन की सत्य समाचारबाट सूचित गर्नुस् । फेक न्युजबाट नेपाली समाजलाई जोगाउन भूमिका खेल्नुस् ।
त्यस्तै, उनले अहिले व्यवस्था बदलियो अवस्था उस्तै छ भनेर गलत भाष्य स्थापित गर्ने प्रयास भइरहेको भन्दै व्यवस्था परिवर्तनसँगै अवस्था पनि परिवर्तन भएको बताएका छन । उनले भने, ‘पहिला एउटा टेलिभिजन थियो, अहिले कति वटा छ ?
पहिला एउटा एयरलाइन्स थियो, अहिले कति छ ? बैङ्कहरू पहिले कति थियो अहिले कति छ ? पहिला इन्जिनियरिङ कलेज एउटा थियो, अहिले कतिवटा भइसक्यो ?’ कोही आएर केही भनिदिए हुने रु कमन सेन्स प्रयोग गर्न नपर्ने ?’
