- शनिबार, २ साउन, २०८३
बुटवल, १३ कात्तिक- प्रहरीले बुटवलबाट २९ तोला अवैध सुनसहित दुई जनालाई पक्राउ गरेको छ ।
पश्चिमबाट पूर्वतर्फ जाँदै गरेको लु२ख ६५४२ नम्बरको बसमा सोमबार राति खानतलासी गर्दा सुन बरामद भएको ईलाका प्रहरी कार्यालय बुटवलले जनाएको छ । उक्त सुनको बजार मूल्य ४९ लाख ५४ हजार ८१७ रुपैयाँ रहेको प्रहरीले जनाएको छ ।
बुटवल प्रहरी प्रमुख डिएसपी विजयराज पण्डितले राजस्व छली गरी अवैध रूपमा सुन ल्याएको भन्ने गोप्य सूचनाको आधारमा खानतलासी गरिएको बताए ।
उनका अनुसार बसका कण्डक्टर कपिलवस्तु वाणगंगा नगरपालिका-८ का ३३ वर्षीय अकबर अलि मिया सुनसहित पक्राउ परेका छन् ।
मियाले दायाँ खुट्टाको जुत्ताभित्र लेडिज ब्यागमा लुकाएको अवस्थामा बिस्कुट आकारको दुई टुक्रा सुन लुकाएर ल्याएका थिए ।
प्रहरीले अर्घाखाँची सुनचादी पसलका सञ्चालक सन्तोष सुनारलाई पनि पक्राउ गरेको छ ।
