काठमाण्डु, २८ वैशाख– प्रहरीले स्रोत नखुलेको ९८ लाख रुपैयाँसहित शुक्रबार बिहान मालीगाउँबाट पक्राउ गरेका २ जना यसअघि सुन तस्करीमा संलग्न भएको खुलेको छ ।
काठमाण्डु उपत्यका अपराध अनुसन्धान कार्यालयले बिहान २८ वर्षीय समीर सुनार र २९ वर्षीय मिलन विकलाई पक्राउ परेको थियो । पक्राउ परेका दुवैजना बुटवलका हुन् ।
दुवैजना यसअघि सुन तस्करीमा पक्राउ परेर छुटेका खुलेको प्रहरीले जानकारी दिएको छ । काठमाण्डु उपत्यका अपराध अनुसन्धान कार्यालयका सूचना अधिकारी प्रहरी उपरीक्षक रवीन्द्र रेग्मीका अनुसार उनीहरुलाई बा १३ च ४८५८ नम्बरको गाडीमा स्रोत नखुलेको रकमसहित पक्राउ गरिएको थियो ।