बाघको आक्रमणमा महिलाको मृत्यु

काठमाण्डु टुडे २०८० भदौ २२ गते २०:११ मा प्रकाशित

बर्दिया, २२ भदौ– बाघको आक्रमणबाट बर्दियामा एक महिलाको मृत्यु भको छ ।

मधुवन नगरपालिका–३ भग्रैया नजिकै पाटे बाघको आक्रमणमा स्थानीय ५५ वर्षीया कली वंशी मगरको ज्यान गएको हो ।

नेपाल–भारत सीमा तथा खाता संरक्षण क्षेत्र नजिक शुक्रबार दिउँसो घाँस काट्ने क्रममा बाघको आक्रमणमा परी महिलाको ज्यान गएको डिभिजन वन कार्यालय बर्दियाका सहायक वन अधिकृत द्रोणराज शर्माले जानकारी दिए ।

बाघले महिलालाई घिसार्दै जंगलतर्फ लगेपछि खोजी गर्दै जाँदा एउटा हात खाएको अवस्थामा शव भेटिएको शर्माले बताए । यसैबीच डिभिजन वन कार्यालयले घास दाउराका लागि जंगल नजान सर्वसाधारणलाई आग्रह गरेको छ ।

Copyright © 2016 kathmandutoday.com Department of Information Reg No:460/074/75 About Us