- शुक्रबार, ५ असोज, २०८०
बैतडी, २२ भदौ– बैतडीको पञ्चेश्वर गाउँपालिका–३ बगरेठी मेलडुङरीमा एक किशोरी चितुवा आक्रमणमा घाइते भएकी छन् ।
घाइते हुनेमा १७ वर्षीया पुजा लुहार रहेको प्रहरीले जनाएको छ ।
बिहीबार मध्याह्न नजिकै वनमाघाँस काट्दै गर्दा उनलाई चितुवाले आक्रमण गरेको थियो । चितुवाले उनलाई घिसारेर तीन सय मिटर परसम्म लगेको थियो । सँगै घाँस काट्न गएकाहरु र स्थानीयले होहल्ला गरेपछि चितुवा उनलाई छाडेर भागेको थियो ।
विभिन्न समयमा चितुवा आक्रमणमा सो गाउँका २७ जनाले ज्यान गुमाएका छन् ।
अचेत अवस्थामा भेटिएकी उनललाई उद्धार गरी उपचारका लागि डडेल्धुरा अस्पताल लगिएकोे बैतडी प्रहरी प्रवक्ता प्रहरी निरीक्षक योगेश खत्रीले बताए ।
अहिले किशोरीको होस खुलेको र अवस्था खतरामुक्त रहेको चिकित्सकले बताएका छन् ।
