- बुधबार, १२ चैत, २०८१
कञ्चनपुर, १३ मंसिर– स्थानीय निकायका सरोकारवालालाई योजना छनोट तथा तर्जुमाका बारेमा क्षमता वृद्धिका लागि आयोजित तीनदिने कार्यक्रम पुनर्वास नगरपालिकाको त्रिभुवन बस्तीमा शनिबार सम्पन्न भएको छ ।
स्थानीय विकास मन्त्रालयको स्थानीय निकाय विकास परिषद्द्वारा तालिमको आयोजना गरिएको थियो ।
पुनर्वास नगरपालिकामा रहेका राजनीतिक दलका प्रतिनिधि, वडा नागरिक मञ्चका प्रतिनिधि, नागरिक सचेतना केन्द्रका प्रतिनिधि र महिला समूहका गरी ३० जना प्रतिनिधिलाई क्षमता अभिवृद्धिका लागि तालिम दिइएको थियो ।
पुनर्वासमा पहिलोपटक आयोजित कार्यक्रमले नगरपालिकाका विभिन्न वडामा योजना छनोट र तर्जुमा गर्न मद्दत पुग्ने बताइएको छ ।
तालिममा अम्बादत्त भट्ट र मोहन साउदले सहजीकरण गर्नुभएका थिए ।
