- बिहीबार, १ जेठ, २०८२
काठमाण्डु, १३ मंसिर– एकीकृत नेकपा माओवादी नेतृत्ववको संघीय लोकतान्त्रिक गठन्धनले काठमाण्डुमा हालै सम्पन्न 
१८ औं सार्क सम्मेलन सफल भएको ठहर गरेको छ ।
एमाओवादी संसदीय दलको कार्यालय सिंहदरबारमा शनिबार बसेको गठबन्धन बैठकले सम्मेलन सफलतापूर्वक सम्पन्न भएको निष्कर्ष निकालेको हो ।
बैठकले सार्क सम्मेलनको कुशल व्यवस्थापन गरेको भन्दै सरकारको सराहना समेत गरेको सदभावना अध्यक्ष राजेन्द्र महतोले जानकारी दिए ।
आफूहरु प्रतिपक्षमा रहेर पनि सार्क सम्मेलन सफल पार्न सहयोग गरेको महतोले बताए ।
उनका अनुसार बैठकले सार्क सचिवालयलाई प्रभावकारी बनाउन र सम्मेलनबाट भएका निर्णय कार्यान्वन गर्न सम्वद्ध पक्षको ध्यानाकर्षण गराएको छ ।
