- सोमबार, २८ असोज, २०८१
बारा, १२ मंसिर– विरोध र विवादका बीच बाराको प्रसिद्ध गढीमाई बेलामा आजबाट पशुबली दिने क्रम सुरु हुँदैछ ।
गढीमाइमा नेपाललगायत भारतका विभिन्न स्थानबाट श्रद्धालुले भाकल गरी ल्याएका हजारौं बोका, राँगा, कुखुरालगायको बली दिने चलन छ । ५ हजार राँगा मार हान्न ४ सय जना नियुक्त गरिएको छ ।
मुल पूजारी मंलग चौधरीको घरमा विशेष विधिपूर्वक तान्त्रिक पूजा सम्पन्न भएपछि बली दिन सुरु गरिन्छ ।
सुरुमा सतो जंगली मुसा, बोका, हाँस, कुखुरा र परेवाको पञ्चवली दिने चलन छ ।
बली दिन नेपालसहित भारतका बिहार, उत्तरप्रदेश, कलकत्ता, हरियाणा, बंगाललगायत विभिन्न राज्यबाट हजारौंको संख्यामा श्रद्धालु गढीमाई आइपुगेका छन् ।
गढीमाईमा भाकल गरी बली दिनाले मनोकामना सिद्ध हुन्छ भन्ने जनविश्वास रहिआएको छ ।
पछिल्लो समय पशु अधिकारकर्मीले गढीमाईमा बली दिने प्रथा अन्त्य गर्नुपर्नेमा विरोध जनाउँदै आएका छन् ।
