- आइतबार, ४ जेठ, २०८२
खोटाङ, १० मंसिर– भैंसीले बाली खाएको निहुँमा छिमेकीलाई खुकुरी प्रहार गर्ने खोटाङकी एक महिला पक्राउ परेकी छन् । दोर्पा चिउरीडाँडा–२ की १६ वर्षीया यशोदा चौलागाईंलाई खुकुरी प्रहार
गर्ने सोही स्थानकी ५० वर्षीया विष्णुकुमारी राई पक्राउ परेकी हुन् ।
भैंसीले बाली खाएको निहुँमा विवाद भएपछि राईले चौलागाईंमाथि मंगलबार साँझ खुकुरी प्रहार गरेको स्थानीयवासीले बताएका छन् । घटनालगत्तै उनलाई प्रहरी चौकी दोर्पा चिउरीडाँडाले नियन्त्रणमा लिएको थियो । राईविरुद्ध ज्यान मार्ने उद्योगअन्तर्गत मुद्दा चलाइने जिल्ला प्रहरी कार्यालय खोटाङका प्रहरी नायब उपरीक्षक विनोदराज खरेलले बताए ।
घाइते चौलागाईंको जिल्ला अस्पताल खोटाङमा उपचार हुन नसकेपछि काठमाडौं लैजाने तयारी भइरहेको आफन्तले जनाएको छ । घाइते चौलागाईंको टाउकोमा गहिरो चोट लागेको घाइतेकी काका हरि चौलागाईंले जानकारी दिए । रासस
