- शनिबार, ३ जेठ, २०८२
काठमाण्डु, १० मंसिर– पाकिस्तानी प्रधानमन्त्री नवाज सरिफले सार्कले चीनसँगको सहकार्य बढाउनुपर्नेमा जोड दिएका छन् ।
काठमाण्डुमा सुरु १८ औं सार्क शिखर सम्मेलनमा सरिफले विश्व आर्थिक महाशक्ति बन्दै गरेको चीन दक्षिण एसिया क्षेत्रको विकासका लागि महत्वपूर्ण साझेदार हुन सक्ने बताए । उनले घुमाउरो शैलीमा चीनलाई सार्क सदस्य बनाउनुपर्ने प्रस्ताव राखे । चीन अहिले सार्कको पर्यवेक्षक राष्ट्र हो ।
पछिल्लो समय चिनियाँ अधिकारीहरुले सार्कमा आफ्नो भूमिका खोजिरहेका बेला सरिफको यो अभिव्यक्तिलाई महत्वका साथ हेरिएको छ ।
‘चीन विश्व शक्तिमा उदाउँदै गरेको मुलुक हो’, सरिफले भने, ‘दक्षिण एसियाको आर्थिक विकासमा चीनको सहमार्य जरुरी भइसकेको छ ।’ उनी नेपाल आउने क्रममा विशेष विमानमार्फत चीन भएर आएका थिए ।
उनले भारततर्फ संकेत गर्दै आपसमा लड्नुको साटो सबै मिलेर सार्क क्षेत्रमा विद्यमान गरिबी, अशिक्षा, बेरोजगारीजस्ता साझा समस्या समाधानमा जुट्नुपर्ने जनाए ।
