बर्दिया, २ मंसिर– बर्दियाको कालिका गाविस– ५ की २६ वर्षीया गीता सार्की र नातामा मामाका छोरा पर्ने लम्की–चुहा नगरपालिका– ६ का २६ वर्षीय भीमबहादुर सार्कीले एउटै पासोमा झुन्डिएर आत्महत्या गरेका छन् ।
इलाका प्रहरी कार्यालय लम्कीका अनुसार उनीहरु दुवै जामुनको रुखमा एउटै पासोमा झुण्डिएको अवस्थामा फेला परेका छन् ।
आफूहरुबीच अनैतिक सम्बन्ध रहेको समाजले थाहा पाएपछि सँगै झुण्डिएर आत्महत्या गरेको खुल्न आएको लम्कीका प्रहरी निरीक्षक जगन्नाथ खनालले जानकारी दिए ।
उनीहरु दुवै विवाहित हुन् । दुवैको घरमा बच्चाबच्ची समेत छन् । खनालले घटनाबारे थप अनुसन्धान भइरहेको बताए ।