विराटनगर, २४ कात्तिक – नेपालबाट भारततर्फ मृगको छाला लिएर जाँदै गरेको अवस्थामा आज दिउँसो विराटनगर रानीमा एक योगी पक्राउ परेका छन् ।
सुनसरीको लोकही बस्दै आएका ६३ वर्षीय धनीलाल ठाकुरलाई सशस्त्र प्रहरी एवम् भन्सार सुरक्षाका खटिएका प्रहरीले पक्राउ गरेको हो ।
उक्त मृगको छालाको लम्बाइ दुई फिट चार इन्च र चौंडाइ एक फिट आठ इन्च रहेको छ । मृगको छाला नेपालबाट भारततर्र्फ निकासीमा प्रतिबन्ध लगाएको छ । रासस