- बिहीबार, १३ वैशाख, २०८१
काठमाण्डु, २४ कात्तिक – नेपाल राष्ट्र सेवा दल राप्रपा नेपालमा समायोजन भएको छ । पार्टी केन्द्रीय कार्यालय धुम्बाराहीमा सोमबार भएको एक औपचारिक समारोहमा राप्रपा नेपाल अध्यक्ष कमल थापाले सो दललाई पार्टीमा समायोजन गरेका हुन् ।
समारोहमा अध्यक्ष थापाले राष्ट्र सेवा दलको प्रवेशले बलियो र सशक्त राष्ट्रवादी प्रजातान्त्रिक पार्टी निर्माण गर्ने राप्रपा नेपालको अभियानलाई थप मजबुद बनाउने विश्वास व्यक्त गरे ।
सेवा दलका अध्यक्ष सूर्यप्रसाद घिमिरेले नेपाललाई पुन: सनातन धर्म सापेक्ष हिन्दुराष्ट्र बनाउने राप्रपा नेपालको अभियानलाई छरिएर होइन संगठित भएर लाग्नु पर्नेमा जोड दिए ।
समायोजन समारोहमा सेवा दलका केन्द्रीय पदाधिकारी तथा सदस्यहरु लगायत कार्यकर्ताहरुको उल्लेख्य सहभागिता रहेको पार्टी प्रवक्ता मोहन श्रेष्ठले जानकारी दिए ।
