काठमाण्डु, २० कात्तिक – नेकपा – माओवादीले राष्ट्रघाती भन्दै अरुण तेस्रोको पीडीएप्रति आपत्ति जनाएको छ ।
महासचिव रामबहादुर थापा बादलले विज्ञप्ति जारी गरी राष्ट्रघाती प्रावधानहरु राखेर सम्झौता गर्न लागेको आरोप लगाएका छन् । विज्ञप्तिमा भनिएको छ- ‘यदि देश विकासको लागि जलस्रोत परियोजनाहरु संचालन गर्ने हो भने निर्यातमुखी होइन, आन्तरिक खपतमुखी परियोजनाहरु सञ्चालन गरियोस् भनी जोडदार माग गर्दछ ।’
लगानी बोर्ड र भारतीय कम्पनी सतजलसँग बुधबार मात्र अरुण तेस्रोको पीडीएमा सहमति भएको थियो ।