- आइतबार, २५ जेठ, २०८२
काठमाण्डू, २५ जेठ– दाङको तलुसीपुर–इमिलिया सडकखण्डमा बस दुर्घटना हुँदा २० जना यात्रु घाइते भएका छन । गोलटाकुरीबाट तुलसीपुरतर्फ आइरहेको रा १ ख ४००१ नम्बरको बस आज बिहान करिब ११ बजे तुलसीपुर उपमहानगरपालिका वडा नम्बर १३ बखरिया भन्ने स्थानमा दुर्घटना हुँदा २० यात्रु घाइते भएको भएको जिल्ला प्रहरी कार्यलय दाङले जानकारी दिएको छ ।
बसमा सवार २० यात्रुहरु घाइते भएको र उनीहरुको उपचार प्रादेशिक अस्पताल तुलसीपुरमा भइरहेको जिल्ला प्रहरी कार्यालय दाङले जनाएको छ ।
तुलसीपुरबाट बखरियामा विद्यार्थी पुर्याएर फर्किरहेको रा १ त ८७० नम्बरको बसलाई उछिन्न खोज्दा यात्रुबाहक बस चिप्लिएर सडकबाट करिब पाँच मिटर तल खसेको र दुर्घटनाबारे आवाश्यक अनुसन्धान भईरहेको पनि प्रहरीले जनाएको छ ।
