- आइतबार, २५ जेठ, २०८२
विराटनगर, २४ जेठ– प्रधानमन्त्री केपी ओलीले पूर्वप्रधानमन्त्री एवं नेकपा एकीकृत समाजवदाीका अध्यक्ष माधवकुमार नेपाललाई आफूले अख्तियार लगाएर मुद्धा दर्ता नगराएको प्रतिक्रिया दिएका छन् ।
मोरङको कटहरी गाउँपालिका– २ हल्दीबारीमा सामुदायिक अस्पतालको उद्घाटनपछि शनिबार सञ्चारकर्मीसँग कुरा गर्दै ओलीले अख्तियार कसैका विरुद्धमा प्रयोग गर्ने संस्था नभएको बताए ।
‘अख्तियार प्रयोग हुने संस्था होइन, काम गर्ने संस्था हो’, माधव नेपालसँग अख्तियारमार्फत प्रतिशोध साँध्नुभएको हो भन्ने प्रश्नको जवाफमा ओलीले भने ।
नेपाल प्रधानमन्त्री भएका बेला ०६६ सालमा पतञ्जलीलाई पहिला हदबन्दीभन्दा बढी जग्गा किन्न र पछि बेच्न स्वीकृति दिएर भ्रष्टाचार गरेको भन्दै अख्तियारले केही दिनअघि उनीसहित ९३ जनाविरुद्ध विशेष अदालतमा मुद्धा दायर गरेको थियो ।
एकीकृत समाजवादीले ओलीले अख्तियारमार्फत प्रतिशोध साँधेको आरोप लगाएको छ । नेपालले पनि ओली बदलाको भावनाबाट प्रेरित भएर मुद्धा दर्ता गर्न लगाएको भनेका छन् ।
