- शनिबार, २४ जेठ, २०८२
सप्तरी, २३ जेठ-सप्तरीको सुरुङ्गा नगरपालिका–८ मल्हनवामा डाँका समूहले गोली प्रहार गरी एक जनाको हत्या गरेको छ ।
५० वर्षीय कान्तालाल चौधरीको गोली हानी हत्या भएको हो ।
सप्तरी प्रहरी प्रमुख एसपी ढकेन्द्र खतिवडाका आनुसार घटनामा कान्तालालका भाई रामाकान्त घाइते भएका छन्
४/५ जनाको समूहमा आएको एक समूहले बिहीबार राति चौधरीको घरमा लुटपाट गरेको थियो ।
लुटेरा समूहको प्रतिकार गर्दा धारिलो हतियार र गोली प्रहार भएको खतिवडाको भनाइ छ । प्रहरीले घटनास्थलबाट ३ राउन्ड गोली र एउटा खोका बरामद गरेको छ ।
डाँका समूहले चौधरीको घरबाट पाँच तोला सुन, दुई केजी चाँदी र ६० हजार नगद लुटेर लगेको प्रहरीले जनाएको छ ।
