- शुक्रबार, २३ जेठ, २०८२
काठमाण्डू, २३ जेठ– नेकपा एकीकृत समाजवादीले राजनीतिक भावनाबाट प्रेरित भएर आफ्ना अध्यक्ष माधवकुमार नेपालविरुद्ध अख्तियार
दुरुपयोग अनुसन्धान आयेगले विशेष अदालतमा भ्रष्टाचार म्ुद्धा दायर गरेको निस्कर्ष निकालेको छ ।
पार्टी मुख्यालय आलोकनगरमा बिहीबार साँझ नेपालको उपस्थितिमा बसेको शीर्ष नेताहरुको बैठकपछि महासचिव घनश्याम भुसालले जारी गरेको विज्ञप्तिमा पार्टी नेतृत्वविरुद्ध गरिएको षड्यन्त्रको प्रतिवाद गरिने उल्लेख छ ।
घटनाबारे स्वयं अध्यक्ष नेपालले ‘नबिराउनु, नडराउनु’ भनेर आफ्नो धारणा सार्वजनिक गरेको चर्चा गर्दै कानूनी प्रक्रियाको सामना गर्ने पनि भुसालले बताए ।
‘वर्तमान सरकारले राजनीतिक बदलाको भावनाबाट प्रेरित रही हाम्रो पार्टीका विरुद्ध विगतदेखि नै षड्यन्त्रहरु गर्दै आएको कुरा विभिन्न बेलामा देखिएको र तिनलाई हामीले सार्वजनिक गर्दै आएका थियौं । यो हाम्रा विरुद्ध षड्यन्त्र अर्को घटना होृ भन्ने हाम्रो ठहर छ । यस्तो कुनै पनि षड्यन्त्रको प्रतिवाद गरिनेछ’, महासचिव भुसालले विज्ञप्तिमा भनेका छन् ।
यस्तै समाजवादीले अख्तियारमा नेपालविरुद्ध मुद्धा दर्ता गरिएको विषयमा कुप्रचार र भ्रममा नपर्न पार्टी पंक्ति र जनसमुदायलाई आग्रह गरेको छ ।
