- आइतबार, २० असोज, २०८१
गौशाला, ४ मंसिर– महोत्तरीको हात्तीलेट गाविस–१ स्थित एक ऊखु बारीमा शङ्कास्पद मृत्यु भएको अवस्थामा एक वृद्धको शव बरामद भएको छ ।
नाम, थर, वतन नखुलेको अन्दाजी वर्ष ६०/६५ को पुरुषको शव बुधबार साँझ हात्तीलेट– १ स्थित ऊखु बारीमा फेला परेको जिल्ला प्रहरी कार्यालय महोत्तरीले जनाएको छ ।
उचाइ पाँच फिट, गोरो वर्ण, कपाल फुलेको, दाह्री लामो भएको खैरो ऊनी भेस्ट र सेतो हरियो मिसिएको रङ्गको लुङ्गी लगाएको पहाडे मूलको वृद्धको शव बरामद भएको प्रहरी नायब उपरीक्षक लोकेन्द्र श्रेष्ठले बताए ।
वृद्धको २÷३ दिन अघि नै मृत्यु भई कुहिएको अवस्थामा शव बरामद भएको प्रहरीले बताएको छ ।
घटनाबारे अनुसन्धान थालिसकेका छन् भने शव परीक्षणका लागि जिल्ला अस्पताल जलेश्वरमा ल्याइएको छ । रासस
