- शुक्रबार, १४ वैशाख, २०८१
धनगढी, ४ मंसिर– धनगढी नगरपालिका–७ का घुम्मन रानालाई एक थान बन्दुकसहित पक्राउ गरिएको छ ।
रानासहितका व्यक्तिले वन्यजन्तुको शिकार गरेको भन्ने सूचनाका आधारमा गएको वडा प्रहरी कार्यालय धनगढीको टोलीले शङ्का लागि रानाको घर हिजो खानतलासी गर्दा एक थान बन्धुक बरामद गरिएको जिल्ला प्रहरी कार्यालयले जनाएको छ ।
उनको घरमा सोही ठाउँका सीताराम राना, हरिलाल रानासमेतको संलग्नतामा ब“देलको मासु काटिरहेको अवस्थामा प्रहरी टोलीले मासुसहित यी व्यक्तिहरुलाईसमेत पक्राउ गरेको थियो ।
हरिलाल र सीतारामलाई बँदेलको मासुसहित जिल्ला वन कार्यालयमा पठाइएको छ भने घुम्मन रानामाथि हातहतियार खरखजाना ऐनअन्तर्गत मुद्दा चलाइएको छ । रासस
