रौतहट, ३ मंसिर– रौतहटको चन्द्रपुर–१ मा रहेको एसबीआर्इ बैंकबाट रकम निकाल्दै गर्दा
२० लाख लुटिएको घटनामा इन्फास्टक्चर डेभलपमेन्ट बैंकका कर्मचारीको मिलेमतो रहेको खुलेको छ ।
प्रहरी अनुसन्धानले टुलपाटमा आइडी बैंकका कर्मचारी शम्भु थापाको संलग्नता खुलेको हो । रकम लुट्न सघाएको आरोपमा थापालाई प्रहरीले बुधबार पक्राउ गरेको छ ।
मंगलबार चार जनाको संख्यामा आएका हतियारधारीले रकम झिकेर बाहिरिँदै गरेका बैंकका सुरक्षा गार्ड तेजबहादुर कार्की र वरिष्ठ सहायक उज्वल रिजालमाथि गोली प्रहार गरी २० लाख रुपैयाँ लुटेका थिए ।
लुटेरामध्ये पूर्वमाओवादी लडाकु सिन्धुलीका नारायण राई प्रहरीसँगको भिडन्तमा घाइते भएपछि मंगलबारै पक्राउ परेका थिए । घटनाबारे थप अनुसन्धान भइरहेको रौतहट प्रहरीका नायब उपरीक्षक भीम ढकालले जानकारी दिए ।