- मंगलबार, २६ जेठ, २०८३
काठमाण्डू, २६ जेठ– प्रमुख प्रतिपक्षी दल कांग्रेसले सचेतक निश्कल राईले नेपालले छिमेकी देश भारतको कुनै पनि जमिन नमिचेको बताएका छन ।
आज (मंगलबार) बसेको प्रतिनिधि सभाको बैठकमा बोल्दै उनले यस्तो बताएका हुन । प्रधानमन्त्री बालेन शाहले नेपाल विश्वको नजरमा सीमा अतिक्रमणकारी बनाउन खोजेको टिप्पणी समेत गरे ।
उनले भने, ‘नेपालले भारतको जग्गा अतिक्रमण गरेको छ भनेर प्रमाणित गर्न लाग्नुभएको छ। सामाजिक सञ्जालमा पनि अझ उहाँका शुभचिन्तकहरूले पनि नभएका प्रमाणहरू सिर्जना गर्दै नेपाललाई सीमा अतिक्रमणकारी देश भनेर प्रमाणित गर्न लागिपरेका छन् ।
यो तहको राष्ट्रघात गर्न उहाँहरूलाई किन मन लागेको हो ? राष्ट्रको बेइज्जत गर्दा आनन्द र खुसी हुने कस्तो मानसिकता निर्माण गर्दै छौँ ?
अथवा कस्तो समाजको परिकल्पना हामी गर्दै छौँ ?’ उनले प्रधानमन्त्रीले माफी माग्नुपर्ने अडान राख्दै खुट्टा नकमाईकन रुलिङ गर्न सभामुखसँग माग समेत गरेका छन ।
