- बुधबार, १२ वैशाख, २०८१
काठमाण्डु, १९ असोज– राष्ट्रपति विद्यादेवी भण्डारीले सर्वसाधारणलाई दशैंको टीका लगाइदिने भएकी छन् ।
राष्ट्रपति कार्यालयका अनुसार शीतलनिवासमा टीका लगाउने कार्यक्रम दुई चरणमा सम्पन्न हुनेछ । राष्ट्रपतिले अपराह्न दुईदेखि तीन बजेसम्म विशिष्ट व्यक्तिहरुलाई र तीनदेखि पाँच बजेसम्म सर्वसाधारणलाई टीका लगाइदिने कार्यक्रम तय भएको राष्ट्रपतिका प्रेस सल्लाहकार टीका ढकालले जानकारी दिए ।
राष्ट्रपति भण्डारीले हरेक दसैंमा टीका लगाइदिँदै आएकी छन् । तर, हरेक वर्ष कुनै न कुनै विषयले राष्ट्रपति विवादमा आइरहेकी छन् । खास गरी टीका लगाउँदा राष्ट्रपति कुर्सीमा बस्ने र टीका लगाइमाग्ने व्यक्तिले घुँटा टेकेको तस्वीर अहिलेसम्म पनि सामाजिक सञ्जालहरुमा देखिन्छ ।
दशैंमा टीका लगाउने राजतन्त्रकालीन परम्परालाई गणतन्त्रमा पनि निरन्तरता दिएको भन्दै राष्ट्रपति भण्डारीको आलोचना हुँदै आएको छ ।
